۱)
اؤیله‌دیر یاوروم منیم
اؤیله‌دیر
بویون قاچیردیغیم دئوریم‌لرین
وابالی بوینومدا
من
یاپمادیغیم ساواش‌دا یارالاندیم!..
۲)
من گئتدیم
بیر داها دؤنمه‌مک اوچون گئتدیم
آما سن
ایشگیلینی سالما قاپی‌نین
خیالیم
ائشیکده گئجه‌لمه‌سین سئودامیزی !…
۳)
اویله یاشایین کی حیاتی
کئچدییینه پئشمان ائدین ساعاتی
آرخاسی یئره گلدی‌می اؤلومون؟!
ماشاللاه !…
حاشا آما
آرخا چئویرمه‌یین یاشاما !..
۴)
رؤیالاری‌نین
همن آغ آتلی اوغلانی ایدیم ائله من
عؤمرومو-گونومو ادبیاتا صرف ائتدیم
شعره صرف ائتدیم
صنعته صرف ائتدیم
آت آلماغا پولوم اولمادی هئچ بیر زامان!..
۵)
هئچ بیر اوچوروم
ایچی قده‌ر درین دئییلدیر اینسانین
اؤزونه وارمادیقجا
چیخمازسان لعنت بو قویودان !…
۶)
باشیما گلمه‌ین
بیر بلا آغارتدی باشیمی !…
۷)
باشقا بیر تؤهفه ایدی او عشق
نه مکانا سیغاردی
نه زامانا
بیز یاخالادیق سانمیشدیق اونو
او ایسه آزادلیق‌دان یانا !…
۸)
هر اینسان
مطلقا اؤله‌جک بیر گون
اؤلولردن باشقا !..
