(گنج شاعریمیز «معصومه جبارپور»ون اؤلمز روحونا)
چیخماز کوچه‌لرده یوروردو یالقیز و حور
سایغی دوروشوندا دوروردو ائلئکتریک آغاج‌لاری
آیاق‌لارینی دینلر کیمی‌یدی اولدوزلار
آغیر-آغیر قار یاغیردی سوکاک‌لارا
دونور
سوزه‌لیردی کوچه چیراق‌لاری!..
اویسا
یاساق`لاری سیندیرماقدان گلیردی او
یاسا`لار، سیندیرمیشدی قادین‌لیغینی
تئرورون و ظولمون یاسالاری!..
مور بیر گؤی اوزونه جیزیرام بو گونو چاره‌سیز
وادی‌ده قوردلار اولاییر!..
هه!…
تورک بیر قادین‌دی، هم ده شعیر سئودالیسی
پوئزیادان
قوووب چیخارماق ایستَردی پولیسی
آیی،
آیی اللرینده داشیر
یاخا جیب‌لرینده گیزلردی گئجه‌نی!
شعره
ماوی‌یه
و اؤزه اولاشماقدی آرزیسی.
هاوا بورکو
هاوا آغیر
آغیر-آغیر قار یاغیر سوکاک‌لارا !
ایسلانیر
ایسلانیر مالبرو چکن بیر قار آدامی.
او کی،
ائح !…
بیر صاباح دا
جانی چیخمادان اولدوزلارین
قانی‌نین آراسینا گیرمیشدی گونشین!..
آه!..
ایندی آکسیایا توپلاسام می سؤزجوک‌لری؟!
سؤیوش-یامانا باسسام‌می بو کیرلی دونیانی؟!
سیقارامین توستوسومی گئتسه گؤزومه؟!
آغلاسام‌می بو یاغیش‌لا بیرگه؟!
قاباغیما قویوب دانلاسام‌می
دانلاسام‌می اوزسوزلویونو اؤلومون؟!..
اویو یاساق‌لار قیزی، اویو !
باشی دیک اویو بو تورپاق‌دا
اویو کی،
یازدیغین شعیرلر آنلاتسین سنی!..
