-«آغلا!» دئسن
هؤنکور – هؤنکور آغلارام.
-«گؤز یاشینی سیل!» دئسن
سیلهرم سنین اوچون.
لاپ بو آندا -«گول!» دئسن
گولهرم سنین اوچون.
غم یوکونو چات منه!
چکهرم عؤمور بویو.
سئوینجیمی آلگیلان!
هامیسی سنین اولسون؛
یئنه ده بو آز اولسا
دوشهرم قاپی- قاپی،
بو دونیانین سئوینجین
دیلهرم سنین اوچون.
من اؤزومو همیشه
بیلهرم سنین اوچون.
اورهییمدن پنجره
ایشیغینا آسدیم سا،
گؤروشون پنجرهسی
اوزومه آچیلمادی،
گؤزلرینین شوعاسی
گؤزومه ساچیلمادی.
سندن گؤروش پاییمی
آلماق اوچون راضییام
=«اؤل!» دئیهسن سئوگیلیم!
اؤلهرم سنین اوچون،
اؤلهرم سنین اوچون…
یای- ۱۳۸۰
