دمیر دیمدیک،
دمیر قاناد،
دمیر قویروق؛
جهنمدن آلیر بویوروق دمیر قوشلار،
قان قوخوسو قوخویورلار قودورموشلار.
گؤیده بولود لای- لای،
چین- چین؛
ماوی سما درین، انگین؛
نه یازیق کی،
بوگؤیلرده گؤزه دهیمیر آغ گؤیرچین!
قان قوخویور چؤلون داغی، درهسی ده؛
قورخوسوندان
یارپاق کیمی اسیر کهلیک فرهسی ده.
انسان اوغلو-
نهدن بئله
دونیایا سالیر ولوله؟!
یاشام حاققین وئرهن کیمدیر؟
آلان کیمدیر؟
ایشه بیر باخ!
اؤلن کیمدیر؟
قالان کیمدیر؟
خرداد ۱۴۰۵
