سؤزدور باشی بادا وئرن
نه من دینیم، نه سن دانیش!
سؤزدور سیرری یادا وئرن
نه من دینیم، نه سن دانیش!
اؤنجه پیشیر، سونرا چیخار
سؤز چیی اولسا ائولر ییخار
پیشمه‌میش سؤز اوره‌ک سیخار
نه من دینیم، نه سن دانیش!
یای‌دان چیخان اوخا بنزر
گئری دؤنمز چیخسا اگر
سینه سؤکر، اوره‌ک ازر
نه من دینیم، نه سن دانیش!
سؤز واردیر کی باریشدیرار
سؤز وار آرا قاریشدیرار
خام سؤز فیکیری چاشدیرار
نه من دینیم، نه سن دانیش!
سؤزلر آلیشدیرار کؤزو
گؤزدن دوشر اینسان اؤزو
بیلمه‌دییمیز هر سؤزو
نه من دینیم، نه سن دانیش!
هریس – ۱۴۰۴/۳/۱۱
