عؤمر، سون منزیلده‌دیر، آمما کول اولموش آرزی‌لار
ال گؤتورمورلر اوره‌کدن نیسگیل اولموش آرزی‌لار
بیر به بیر عؤمرون آغاجیندان انیرلر تورپاغا
خون دل، داغ جگرله حاصل اولموش آرزی‌لار
مندن ال چکمیر قوجا واختیمدا گنجلیک آرزیسی
دام- دوواردان بویلانیرلار کنسیل اولموش آرزی‌لار
چون بوراخمیرلار منی سانکی یاخام اللرده‌دیر
سون چاغیندا عؤمرومون بیر موشگول اولموش آرزی‌لار
من بوراخدیم سیزلری سیزدن داها ال چکمیشم
سیز نه‌چون ال چکمیسیز مندن، شیل اولموش آرزی‌لار
سانکی هر آرزی بیر آغ دن‌دیر قونوب ساچلاریما
سانکی من بیر تارلایام، سولموش کول اولموش آرزی‌لار
ویردی یاندیردی «هریزلی» گولشنی باد خزان
گول عزاسیندا عزالی بولبول اولموش آرزی‌لار
حاجی هریزلی
چئویرن: حاجی هریزلی
ترجمه: حاجی هریزلی
سسلندیرن: حاجی هریزلی
- شعر
- اوخوماق زامانی: < 1 دقیقه
- https://ishiq.net/?p=36042
چاپ
