گؤی اوزونده بیرگؤل واردیر،
اولدوزلار چیمیشر اوردا.
آی‌لا گونش اوغرون-اوغرون
چیلپاق، سویا دوشر اوردا.

آغ بولودلار خسته-خسته،
ییغیشیرلارگؤلون اوسته،
یویارگونش دسته-دسته،
ساچلارینی ائشر اوردا.

بولوتلاردان اوجادیر او،
تاریخلردن قوجادیر او،
عظمت بویونجادیر او،
یئرگؤیه یئتیشر اوردا.

اورا چتین چاتار ایاق،
اولمایینجا قافلان سایاق،
انسان اورا چاتسا آنجاق
اوره‌یی ایلیشر اوردا.

ساوالان‌دیر، او باج آلار،
داغلار اونا حئیران قالار،
قاتیر گلسه دیرناق سالار،
قوشدان قاناد دوشر اوردا.
۱۴۰۴/۵/۱۰ جوماگونی-ساوالان