اوچ شعر
حبیب فرشباف
(۱)سیناق
آچیلدی سوفره‌سی
یوخوسوز گئجه‌لرله،
اضطرابلی گوندوزلر آراسیندا؛
دؤشندی باشدان – باشا:
«الویداع»- دئیه قووزانان آغی‌دان
اؤره‌یه سانجیلان آغری‌یا قده‌ر؛
دوزولدو قوناقلار،
سانجیلدی گؤزلرینه
ائیگین‌لیکده،
«ساغلیق» اوچون گلن‌لرین بوش یئرلری؛
آغی دولو پیاله‌لر
آگلشن‌لر ساغلیغینا بوشالدی…
(۲)قوجا
بوروموش چوبوغونون توسدوسو
قارلی وقارلی باشین.
گؤن جیلیدلی بیرکیتابدان
آراماق اولار یاشین.
من سنی اوخوماغا آی عمی!
هانسی سو دییرمانین
لوغت – لوغت اؤیره‌نیم؟
اللریم اسیر آغا
سنی واراقلاماغا!
(۳)مکتوب
بلکه، ائله بئله گئتسه،
دیلین ، دیلیم اولاجاق!
من آتامین آتاسینا یازمادیغیم مکتوبو،
سن آتانین آتاسینا یازاجاق‌سان!
مکتوبوندا
یازارسان کی:
– راحات یاتین چیچکله نیب آرزولار-
بلکه تاپیب بابامادا اوخودوم من.
عنوانیما فکس ائده‌رسن:
ملیک یئری،
قطعه آلتی
نمره اون اوچ،
اون بیرینجی مرتبه.
یک پاسخ
کاش او گونلر اولیدی.