خط‌لر ایتی،
رنگ‌لر توتغون
سس‌لر قولاق یوران.
یادیرقامیش حس‌لریمی قینامیرام
نه کپنک اوچوشوندان
دوداغیم قاچیر!
نه بیر چیچک سولماغیندان
گوزلریم دولور!
ایتیرمیشم سرحددینی سئوینجین ، غمین؛
اونوتموشام لذتینی بوتون عالمین.

هارای دوستوم توت الیمدن!
ایزلریمی
شئح چیلنمیش جیغیرلارا سال!
باخیشیمی
یاشیل مخمر چمن‌لره سَر!
قولاغیما
بولاقلارین نغمه‌سین دامیزدیر!
قوی یئنه‌ده
انسان کیمی آغلاییم، گولوم!