سئوگی…..؟
سعیدفیوضات
آیاق یالین گزیر سئوگی‌لر کوچه‌ده
هانسی آرابانین جامین سیله‌جک قده‌ر، دیلنچی‌لیک‌دن اوتانجدا
بیر آغیر خسته‌لیک‌دن قورتاران کیمی، خاطیرلاییرام سئوگی دولو آنی‌لاری
او سون اؤپوشده‌کی آجینی‌دا
سینمیش اوره‌یی‌نین قیرینتی‌لاری هله‌ده پارچالاییر دوداقلاریمی
اویخودان اویانیرام
شیرین رؤیالاریمین نسلی تؤکندی
ایلک و سون یاشادیغیم هیجاندان بیر آز سونرا
هرنه بیتدی، اؤلوم کیمی بیر شئی دئسم
بلکه بیر دیل اوزومانی دئیه‌جک
نه‌دن
دیلیم “سئوگی”سؤزجویونو بیر داها توتماییر…
۱۶/۷/۹۱
