چئویرن: حبیب فرشباف
ترجمه: حبیب فرشباف
حبیب فرشباف
00:00
00:00

بیر قارقا اوچا – اوچا

پنیر گؤردو بیر پارچا،

 قوندو آغزینا آلدی‌،

یئنه‌ده‌ قاناد چالدی‌.

 یول‌ اوسته‌کی‌ چینارا

قوندو او آلا قارقا.

 چینارین‌ کؤلگه‌سینده‌

 چیمنلرین‌ اوستونده‌

 بیر تولکو مورگولوردو،

قارقا اونا گولوردو.

 تولکو قالخیزدی‌ باشین‌،

قارقایا چاتدی‌ قاشین‌.

 سونرا گؤره‌ک‌ نئیله‌ دی‌

او قارقایا سؤیله‌دی‌:

 ـ سن‌ نه‌ قشنگ‌سن‌ آ قوش‌ !

سن‌ نه‌ ملک‌سن‌ آ قوش‌!

 رنگین‌ نه‌ قَمَری‌ دیر

با خاندا غم‌ اَریدیر!

 آیاقلارین‌ اینجه‌دیر ،

اولدوز گؤزلرینجه‌دیر،

 سسین‌ نئجه‌دیر گولوم‌

بیر اوخو من‌ده‌ بیلیم‌!

 قارقا حیله‌نی‌ دویدو

پنیری‌ یئره‌ قویدو،

 دیرناقلاریندا توتدو

اوچو ساینجا اوتدو،

 دیمدی‌یین‌ چکدی‌ یئره‌

اوخودو بیردن‌ بیره‌:

 عزیزیم‌ حیله‌ کارا

 اولمادی‌ حیله‌ کارا

 کئچدی‌ پخمه‌ زامانی‌

 تولکو گزمه‌ بئکارا !

تولکو اَیری‌ – اَیری‌ باخدی،

‌ گؤزلریندن‌ یاش‌ آخدی‌.

 اَله‌ آلماقچون‌ اؤزون‌

 تولکو زمزمه‌ ائتدی‌

 بؤیوک‌ صابرین‌ سؤزون‌:

 «اوندا کی‌ اولاد وطن‌ خام‌ ایدی‌

 آخ‌ نئجه‌ کئف‌ چکمه‌لی‌ ایام‌ ایدی‌»

چاپ

یک پاسخ

  1. سلام . بو شعری اوستاد حبیب فرشبافین باشقا شعرلری برابر اوخوماق اوچون باخین:

    اوشاق نغمه لری. ۳۶ صحیفه. گلاسه کاغاذ اوستونده و بوتونلوکله رنگلی.انتشارات پیشگامان پژوهش مدار . تهران(۸۸۳۴۵۲۱۷).

دیدگاهتان را بنویسید

نشانی ایمیل شما منتشر نخواهد شد.

تولکو ایله‌ قارقا

حبیب فرشباف
www.ishiq.net

آذربایجان ادبیات و اینجه‌صنعت سایتی

تولکو ایله‌ قارقا

حبیب فرشباف
www.ishiq.net

آذربایجان ادبیات و اینجه‌صنعت سایتی

تولکو ایله‌ قارقا

حبیب فرشباف
www.ishiq.net

آذربایجان ادبیات و اینجه‌صنعت سایتی