ایکی شعر
ع.ن.چاپار
? باخ منه . . .
باخ منه
قوی سنین گؤزلرینده تیرله‌نیم بیرآز!
و قابار – قابار
سولوخلانمیش آیاقلاریمی –
آلیز گوندوزلرین یورغونلوغوندان
گؤزلرینین گئجه‌لر کیمی
-قاپ قارا-
و دینج ببک‌لریندن آسلاییم.
نه اولار کی بس
منیم آیاقلاریمین
توک دامارلاریندان
اوره‌ییمده لاختالانان –
ایلیق – ایلیق دورقون قانا
آخسانا….
? بویلو گؤز
گولوشلریندن
گوزوم بویلانیر!
گؤزومدن دوغولاجاقسان –
بیر صاباح یقین.
بو گونومدن صاباحا دک –
چکه‌جه‌یم بوتون آغریلارینی
آغیر – آغیر عذابلارا
قاتلانا – قاتلانا.
دیللنمه‌یه‌جه‌یم بیر آن دا آنجاق.
گولوشلرین دوغولاجاق
قاققیلتیلا گؤزومده منیم….
