کؤلگه‌م‌له من
دیزی- دیزی
سورونوروک
تبریزی
اؤله‌زین بیر آخشامین قاتی قارانلیغیندا.
اوره‌ک آتیشمالاریمیز
قونشوموز اوستونه چؤکن
او ییخییق دووار.
آدیم قان
آددیمیم قان
یاراسا یووالامیش یارالاریمدا.
«گونش» چایخاناسینا دؤنوروک
کؤنلوموزده دولوخسانمیش
یاغماز بولود.
هئیبه‌میزده پؤهره‌له‌نن
سرم،
ایینه؛
یول گئدیریگ
بو دوگوندن
او دوگونه!
قارا سئودا یئرییر ایلیک‌لریمه
تبریز قوینومدا اؤله‌زین شام
آخخخخخ
لعنته گله سن
لعنته
یاشام!
