یول گئدیریک
گؤزیاشی
قان؛
قلم و من.

یول گئدیریک..‌.
دؤیوش شعری چوووش بیزه
ایلخی-ایلخی
گولوش‌لری قان قوخولو
قانلی جلاد ائوجیینه یوگورمه‌گه
ائشیتمیشیک و گؤرموشوک
یئر اوزونون تانری‌لاری
قیلینج الده دئدیردیرلر
چلنگ -چلنگ ماوی گؤزلو جاوانلارا
آغیز حالواسی ایسته‌گین سؤیله‌مه‌سین
اؤلومدن قاباق
آخ
تاباق
تاباق.

یول گئدیریک…
دؤیوش شعری
دوداقلاردا
دؤیوشمه‌گه
یول گئدیریک..‌.
گولر اوزلو
صاباحلارلا اؤپوشمه‌گه.