(اونودولماز صنعتکار «همایون آل‌جعفر»ین عزیز خاطیره‌سینه)
«تکی سس قالاجاق» قوجا دونیادا،
آدین شنلیک‌لرین یاراشیغی‌دیر.
سنی یاشاداجاق بو ائل، بو اوبا
یوردومون او اؤلمز ائل عاشیغی‌دیر.
سسیندن اؤپورم، سسیندن یولداش،
سسین یارامیزدا یاشایاجاقدیر.
سسین گول آچاق هر ایل باهاردا،
اؤلوم ده قارشیندا باش ایه‌جک‌دیر.
سنه توی توتاریق اوره‌ییمیزده
آداخلین باشیندا قیرمیزی یایلیق.
قوشاجا سسله‌نر آدیز آرازلا،
«همایون» آرازلیق، «همایون» نازلیق.
