گوزگوم گؤیلو جیرماقلانان
یارالاریم یاللی یارغان
اؤپرمی‌سن یارامیزدان
هئییی سن….!
چاتلاق دوشن باغریمیزی
توتقونلاشان چاغیمیزی
گؤروب سئوین آغریمیزی
هئییییی سن….!
بیلیردین کی دایاق ایدین
تیکانلیقدا آیاق ایدین
قارانلیقدا مایاق ایدین
هئیییی سن….!
سؤزون جانی،کؤنلو قان دی
یئریم یاندی ،گؤیوم یاندی
سن «بولود»ون «قارداش آندی»
هئیییی سن سن….!
«موغان» تورپاغی ساندیغیم
دویوب، دویوب باریندیغیم
حاییف سونوندا یاندیغیم
هئیییی سن….!
