و تورپاق بویلو اولدو
داغ کوله‌ییندن
و تورپاق اوچ قارتال
دونیایا گتیردی.
اوچ قارتال یوکسلدی
اوجا داغلارا؛
چالدیقجا قانادین
او اوچ قارتالیم
-آنام اوره‌ییندن گلن بایاتیم-
اویله اوجا-اوجا اوچارکن اونلار
قوزغون جایناغیندان
قوش‌لار آلدیلار،
باغا قوندولار،
وورلموش قوش‌لارا
یووا قوردولار،
دنینی
سویونو
اسیرگمزلر
«بابکیم» قالاسی
او اوجا «بذ»لر:
«صمد»
«بهروز»
و
«کاظیم»؛
کار
و
کور
گئجه‌ده
اولدوزوم،
آییم.
یک پاسخ
دوغروسو شاعرلریمیز ، تورکجه میزده واو، کی، که کیمی باغلاج ( حروف ربط و عطف) حرفلرین اولماماسینی بیلمیر؟؟ بو واولارین بو شعرده نقشی ندیر؟؟ واوین همده که یا کی-ین قوللانیلماسی شاعرین شعر یارادما یئتنک سیزلیگینی یاپی باخیمدان گوستریر.دئمک شاعر دیزه لری شعریتله اولوشدورا بیلمه دن مکانیکی اولاراق واو ایله که یا کی له یاماق کیمی باغلاییر.. بو قیسا متن ده دورد واو قوللانیلیب.ایلک دیزه ده : و توپراقدا بویلو اولدو…بو جومله باشیندا گلن واوین رولو نه؟ گره کی نه؟ توپراقدا بویلو اولدو..( گبه لندی داها گوزل)..منه قارشی سورو یارادا بیلر دوستلار : ندن ناظم حکمت واو قوللانیبیدیر؟؟؟ بو بیزه ادبی زیبایی شناختی ندن اولا بیلمز.ناظیمین ده شعرلرینده واولار سیلینیرسه شعریت پوزولماز، گوزه لده اولار…