شعر

او گون اوزاق دئییل…/ سحر خیاوی

او گون اوزاق دئییل… سحر خیاوی قیزیل قفسین تک‌لیگینده کال داریخمالاریم کندیر آسمیش بوغور منی؛ گؤیون ماوی کؤکسونده قیها چکیب آزاد قاناد چالان قوشلاردا حسرتلی باخیشلاریم؛ زَهَر اولسون بو دَن، بو سو باشیمی‌آزیدان تورلار، تله‌لر!! آاا….خ قَدَر اووچو آچ‌ ال آیاغیمدان بو آغیر قانداللاری! گؤزلریمدن سونسوز آخان یاغمورلار ایسلادیب قارتاللیغیمین قانادلارینی؛ ائله آغیرلاشمیشام کی، اوچا بیلمیرم بونسوز دا؛ آمما اینانما ...

Read More »

چیچک اوچون / ربیقه ناظیم قیزی(آذربایجان جمهوریسی)

چیچک اوچون ربیقه ناظیم قیزی(آذربایجان حمهوریسی) اللرینله ‌ده‌ییشمه‌یه گلدیم، چیچک! ساچلاریمی‌کس، بویا، بو دفعه دوست اولما! قادین-قادینا، اینسانا- اینسانا دانیشمایاق، او گئجه قولونا گیردیییم آدامی‌سوروشما! ایلان نفسی قاریشدی چمن قوخوسونا, قاچدیم. “کئچه‌جک” سویو سوووز باده‌یه، هامی‌دا تاپیلان تسللی حبی ایله وئر ایچیم. جیبیمده‌کی “بیلمیرم” یایلیغینی آغزیمدان چیخان آغرییا توت، سیل آت! شوشه‌لره توخونوب چیلیک‌لنن عؤمورلردن دانیش، “ایچیب اؤلمک ایسته‌ییرم” دئین‌لرین ...

Read More »

آخشام‌لار / احمد درگاهی

آخشام‌لار احمد درگاهی سن گئدن یوللارا گؤزلر دیره‌نیر آخشاملار باشیما دام- دوواریم سیلکه‌لنیر آخشاملار بیر سؤنولمز سوبا یاندیقجا یانیر کؤکسومده چکدیگیم شعله نفسدن پیله‌نیر آخشاملار یئنی دوغموش بَبه‌یه بنزه‌ییر هرآن دویغوم قونداغیندان آچیلیب گاه بله‌نیر آخشاملار تورشادیر قاش- قاباغین منه سنسیزلیک آنی گؤزلریمدن یوخو کال- کال اله‌نیر آخشاملار اوره‌ییم زاغ- زاغ اسیر بیر گؤروشون شوقی‌ایله چیراغیم صوبحه قدر پیلته‌لنیر آخشاملار ...

Read More »

بلکه … / سحر خیاوی

بلکه … سحر خیاوی آاااه… ایچیمده سورگون گئتدیگیم اوزون ایل‌لر وار، اوزاق- اوزاق یئرلر، بوزقیرلیق، تیکانلیق. ال قولوم قانداللی، آیاق یالینام؛ اوزاق دوشوب سسیم سسلردن، نفسیم نفسلردن. داشلارا چیرپیلیر‌هاراییم هئچ‌ کیمسه ائشیتمه‌دن. سن بیر تالا ایشیق ساچدین دوستاقیمین نمیش قارانلیق ایچینه؛ ایسیندی، قیزیشدی بوزلانمیش اوره‌ییم. ایندیسه الیم‌ الینده‌دیر، قورخمورام! بیر جوت دلی‌لنمیش جانیق؛ سیخ گومول کؤنلومه! بارماقلاریمیزی شام یاندیراق بلکه ...

Read More »

اینتحار / سمیر کهیه‌اوغلو(عراق)

اینتحار سمیر کهیه‌اوغلو(عراق) قالخ! بیر سیقارا یاندیر کیبریت آراما اؤره‌ییمین آتاشیندان یاخ بیر نفس من آلیم بیر نفس سن هر ایکی‌میز بیر آندا توتونله‌شک قالخ! بیر بوسه وئر یاناغیندان بارماقلاریمى دویونله بیربیرینه ساچلارین هؤرویو کیمى آت بوینوما بوغ منى بوغدوقجا بوغوم سنى بیر بوسه ده ایکیمیز اینتحار ایده‌ک!..

Read More »

ایسته‌میرم/ ع.یالچین

ایسته‌میرم ع.یالچین کؤنلوم توخ بو دونیادا دور –اینجی ایسته‌میرم! غملی بیر اوره‌ک وارسا سئوینجی ایسته‌میرم! گؤی اوجا، یئرسه درین داشی دورداغی زرین بیر قورتوم سئوگی وئرین تاخت – تاجی ایسته‌میرم! آیا تامارزی کؤنلوم گونش سئوگیم، امه‌لیم باخیشیندان تام دیلیم قیقاجی ایسته‌میرم! اوره‌ک دایانیب غمه ال آچماز چوخا –کمه آزادلیغی هئچ کیمه ال بورجی ایسته‌میرم!

Read More »

آخشام چاغی گؤروشه گل غفیلدن / سحربارانی

آخشام چاغی گؤروشه گل غفیلدن سحربارانی آخشام چاغی گؤروشه گل غفیلدن، باخیشینلا روحوما بیر شعر اوخو! ایکی بارداق آجی چایا قوناق اول، دویغولارا آل قیرمیزی دون توخو! بیر پیالا ماهنی گتیر گلنده سپ سسیمه دامجی- دامجی النسین! نسیم کیمی‌ساچلاریمی‌تومارلا، قوینوما گیر روحوم سنه بلنسین! کال آغاجین تئز یئتیرمیش ناری اول یاناقیمدان دریم سنی گولرکن! موغایات اول کیمسه سنی گؤرمه‌سین، گیزلین- ...

Read More »

پاییز دیلی / کیان خیاو

پاییز دیلی کیان خیاو پاییز گلمه‌دن توپلادیم نانا- رئیحان کردیمیزدن ۴۱ نومره‌لی خورمایی باشماقلاریما قویوب شهریمیزین گله‌جک دورنالارینی قارشیلاماغا چیخدیم بوزخانا آلمالارینا بنزه‌ییردی آغزیمدا دیلیم دیلیمده دورنالار اوچون دیزه‌لر. بیر ده دؤندوم نانا- رئیحان کردیمیزه: ایلک یارپاغیندان چوروموش اولمالیدیر بو بیتگی یوخسا… آرتیق یئنه پاییز گلمیش گلمه‌لیدیر یالنیز دورنالارین سسی دویولمور بیر ده باغلاری اوجوندان سولور خورمایی باشماقلار و هله ...

Read More »

اؤلومویله دوغولان دلی!/ زینب فرجی

اؤلومویله دوغولان دلی! زینب فرجی اوره‌ییمده ایلدیریم شاققیلدیر، شاخیر اوره‌ییمه قوناق گلیر گئدیر آنجاق اوره‌ییم ساتیلماز بیر قالادیر بیلیرسن‌می‌دونیا پیس یئردی؟ نه آتماق اولور نه ده اوتماق دوققوز ایدی سنی سئومک اوچون توکاندا قونشولار تلویزیوندا آپاریجیلار بئله، پیچیلداشیردیلار! دوغروسو بو ایدی سنی سئومک اوچون آداملاری، بوتونلوکله یاندیریب، یاخاق! دوغروسو بو ایدی سنی سئومک اوچون بنؤوشه‌نی، نرگیزی، سوسنی، سسله‌مَه‌یَک! آتدان ائنه‌نی ...

Read More »

عدالت ده وار…/ ح. هریزلی

عدالت ده وار… ح. هریزلی بو نه‌هاى، نه‌هاراى، نه واى خبرى؟ نه قده‌ر صنعت وار، صؤحبت وار، سازوار، عدالت ده وار…! نه قده‌ر دولانیر چرخین گردیشى فصیللر ده‌ییشیر، پاییزوار، یاز وار، عدالت ده وار…! گئتدى غم-کدردن بیرآز دینجله، دؤنه نسیل-نسیل ائللره گله؛ نه قده‌ر بو تورپاق دیرى‌دیر هله خزر وار، اورمو وار، کور وار، آراز وار، عدالت ده وار…! هله ...

Read More »