من اوره‌ک وئرمیش‌ایدیم بیر گؤزه‌له تبریزده
نه اولاردی گؤروشه بیرده گله تبریزده
نه بیلئیدیم کی زامان آیری سالار یاریمدان
سئوگیمیز سورگون اولار ائلدن ائله تبریزده
تبریزین یوللارینی قارلا دومان آلسایدی
آغلاییب سیزلاماز ایدیم کی بئله تبریزده
او زاماندان کی یئتیشدی آیاغیم اول دیارا
اوره‌ییم سانکی یانیب دؤندو کوله تبریزده
تبریزین شهری منه گرچی مقدس اولموش
آغریدان آرزیلاریم گلدی دیله تبریزده
او قده‌ر آختاریبان دوتدوم ایزین هرکوچه‌ده
تام چیراغلار دا تانیر ایندی منی تبریزده
داها ایل‌لر سووشوبدور تانییان یوخدو منی
دردیمی ساخلایاجام آیدان ایله تبریزده
او زامان «حاق‌سئوه‌ن»ی پای آلاراق بیر ائلدن
آدیمی یازدی گونش چنلی‌بئله تبریزده
حاق‌سئوه‌ن میانالی
چئویرن: حاق‌سئوه‌ن میانالی
ترجمه: حاق‌سئوه‌ن میانالی
سسلندیرن: حاق‌سئوه‌ن میانالی
- شعر
- اوخوماق زامانی: < 1 دقیقه
- https://ishiq.net/?p=34171
چاپ
