انصار قاراداغلی
چئویرن: انصار قاراداغلی
ترجمه: انصار قاراداغلی
سسلندیرن: انصار قاراداغلی

یاراشیقسیز تویا
ساز توتدو
کرم کؤزلو عاشیقلار.
قور- قوشوقسوز هاوالار،
ا
ص
ل
ی گلر، مجلیس ایشیقلار!

بو،
یانیق بیر کرمی‌یمیش
قوجالیب ساز داماغیندا…
د ی م، ر ی – ری م،
تـ ـیـ م ، تـ ی – ر ی ـ ر ی م ،
یاندی کرم، یاندی قــــــــوشوق‌لار! …

هاوادان بیر خبرین اولسون اوغولسوز بالابانچی!
قارا کؤینکلی گلیب‌لر تویا، موتسوز قارا قاش‌لار!

بخته‌وردیر، قارا سئلدن سارامیز دا قاییدیبدیر…
بایاتی!
قافیه آختارما،
چوبان ناله‌سی باشلار! …

قوجالیبدیر سازین اینجیلی ده ، روحانی! نانای‌لان،
قیسادیر
قلبیمیزین
قبرینه
مرمر قارا داش‌لار !…

باغری قان‌دیر دئیه‌سن
چالغی سازیـــــــن کؤینه‌گینین ده !…
کوته‌لر میصری قیلینج ،
جنگی کوراوغلو – هه! ـ یاواشلار…!

بیزده
ماشین یئرینه ،
یاللی قیرآت‌لار بزه‌نرمیش !…
هله ده شیهه چکیر نال تؤکولن یاللی یاماشلار!…

دان چاغی
کیپریگینی بیر زره آچ،
«بان» یوخوسوزدور!…
قاناد حاضیرلاییر اوچسون آیاغی باغلی بو قوش‌لار …!

قاوالین … چیرتیکی … یانمیــــش بو سویوق قاردا، بوراندا!
نئجه اوخ‌دور،
دولانار توی گئجه‌سینده،
بیزی توشلار! ؟…

باشدا شاه کؤرپو
رسوم وئر آرازین غونچه‌سی گلسین!
بو گلین کؤچمه‌سه،
وْورغون خزرین قلبی ناخوشلار…!

یئنه آسمیش سازینی کؤهنه ناغیل، توت آغاجیندان
آی عاشیق‌لار!
آی عاشیقلار !
آی عاشیق‌لار!
آی عاشیق‌لار!…
۱۴۰۵/۰۸/۲۳

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

کرم کؤزلو عاشیق‌لار

انصار قاراداغلی
www.ishiq.net

آذربایجان ادبیات و اینجه‌صنعت سایتی

کرم کؤزلو عاشیق‌لار

انصار قاراداغلی
www.ishiq.net

آذربایجان ادبیات و اینجه‌صنعت سایتی

کرم کؤزلو عاشیق‌لار

انصار قاراداغلی
www.ishiq.net

آذربایجان ادبیات و اینجه‌صنعت سایتی