سونسوز کدردی، حسرتیله غم‌دیر آیریلیق،
درک اهلینه فنای مسلّم‌دیر آیریلیق.
بیر اوددو یاندیریر، نه کؤزو وار نه توستوسو،
تاردا «سئگاه»، قوپوزدادا «دیلقم»دیر آیریلیق.
شنلیکلره، گولوش‌لره، عیشه تالان وئرر،
بزم عزادی، نوحه‌دی، ماتم‌دیر آیریلیق.
بولبولدن -آیریلیق نه‌دی؟ سوردوم، دؤنوب دئدی:
قونموش او گول یاناغینا شبنم‌دیر آیریلیق.
سورسان «هریزلی»دن کی – نه‌دیر آیریلیق «حاجی»؟
بیر سؤزله قورتارار کی جهنم‌دیر آیریلیق.
حاجی هریزلی
چئویرن: حاجی هریزلی
ترجمه: حاجی هریزلی
سسلندیرن: حاجی هریزلی
- شعر
- اوخوماق زامانی: < 1 دقیقه
- https://ishiq.net/?p=34281
چاپ
یک پاسخ
بوننان بئله وصاله چاتان تکجه یول او دور
من دن سوروشسان اوزگه بیر عالم دیر ایریلیق
غزل باغینیز خزل اولماسین دگرلی هریزلی جنابلاری. وار اولون.