بوندان اول ده
سکوتو، یالنیزلیغی میزیلدایان
کیتابسیز دوشونجه‌لر واردی
چالیشاردی بلکه ییخسین
آیدان اؤیرندیییمیز تمیزلییی
یوللارا یوکله‌دیییمیز یولچولوغو.
گونه باخان‌لارین گؤزون چیخاراردی
سئوگی‌نین چشمه‌سی قوروسون دئیه،
گونشه گوزگو توتان اولماسین بیر داها.
آرزی‌لاریمیزی
قولسوز، بوداقسیز،
سؤزوموزه بزه‌ک وئره‌ن قاسیرغالاری
دایاز سولارین لام احوالاتیندا
یئکونلاشدیرماق ایستردی.
بو سؤزجوک‌لرین الوان قانادین
کیمسه قارانلیقدا سووورا بیلمز
سازین تربیه‌سینده
چای‌لاری دانیشماق
سئویب سئویلمک کیمی
یئنیلمز بیر ایشدیر.
۱۴۰/۱۰/۱۱
