سنی تاپشیردیلار دنیزین یادداشینا
یوسون باغلاسین آدین بلکه؛
تانری بالیغین روزیسینه ضامیندیر.
سن آبان آییندان گلمیشدین
قامیشلیغین آغارمیش ساچیندان
یارالی سؤزلر شلهسیله.
سن قیشین شاختا خیاوانلاریندا
ساده سؤزلرله
فاجعهنی یئنیدن ایضاح ائدیردین.
سنه سون قویان اللر
گرهک بیلهیدیلر
ماراغینا سؤیکنن آرزولار
سولارین نجابتیندن پای آپاریر
چیراغین ایشیغیندان.
دومان قوردا دایاقدیر
قایغیسیز جنازهلر ایسه
اؤلومدن دوغولان گونشسیزلییین
رئکلامین پایلاشیرلار
یالان سئوگیلرین زیرناسیندا.
اول سنی خاطیرهلشدیردیلر
سونرا قواما قویدولار
مکتب اوشاقلارینین اوشاقلیغینی
آنا بطنیندن اؤیرندیییمیز امنیتی.
پنجرهنین قولو قولتوغوندا
گؤزو یول چکیر:
دنیز بلکه چیرمالانیب
تمیزلهدی مملکتیمیزی.
۱۴۰۵/۰۱/۲۱
