یارالی چایلارین سسینده کوکرهین
قافلان غرورو
سنی سرگیلهییر
کتابینین یاریمچیق جوملهلرین.
سن گونشین، چیچکلری سلاملادیغی یئرده
عادیجه بیر سحرین مژدهسی.
الیمیز اینانسا بیربیرینه
کئچیلمز دئییل
نه یارپاغین سوی قیریمی
نه پریشانلیغین ابدی دورومو
نه سنین بوش یئرین.
بیز گؤزهللییین یاراتدیغی امنیتی
ـ چیچک دئیه ـ
خولیالاریمیزدان آلیب
ساده ساده مناسبتلریمیزین
سول دؤشونه تاخیریق؛
بیز آخی شهریور مسافریییک.
سویون نجابتیندن جوشان آیدینلیق
ال آپاریر دئولرین یوخوسونا
قورخو قاتیر
دار آغاجینین قارانلیغینا
مئشهنی زهرلیین اللرین
قیفیللانمیش اورهکلرینه.
سویون یونجا نجابتی
قورتارار بیزی.
۱۴۰۵/۰۵/۱۶
