هردن خیالینا جومدوغونو
هانسی دیلک توتدوغونو
اوره‌یینده بیر سئوگی‌نین بوشلوغونو
بیری سئوه‌ر-بیری سئومز
یارالاردان جان آلدیغین
ییخان ائودن آختاردیغین
یادداشیندان قالدیردیغین قوشوق‌لاری
بیری سئوه‌ر-بیری سئومز
بس دئییردین یازیلماز دیلده سؤزلریم
باغلایار غم-کدر، الده بیلکلریم
آچیلماز سویوقدان دمیر قاپیلی دوستاقلیغیم
آزادلیغی، بیری سئوه‌ر-بیری سئومز
هر بیر آیریلیقدان آغری دوغولار
ائل یولون اؤزگه‌سی یولدان آزدیرار
عدالت ناغیلین ایگید دوغرودار
اویانماغی، بیری سئوه‌ر-بیری سئومز
شاختا یئلی یاپراقلاری کسدیر‌ر
یاپراق اوسته بوداقلاری اسدیرر
آغاج بویو گونشلییی اگیدیرر
دؤزومو، بیری سئوه‌ر-بیری سئومز
یازدا قیشی گیلئیلنمک عار گلر
یاغیشدان سؤز ویصالینا خوش گلر
بو آیازین دومانیندا، داغیلمیش ائلیمله گل
بیری سئوه‌ر-بیری سئومز
