دونن قولاغینا پیچیلدادیغی آغاج
بوداقلاری‌یلا سنه یالواریر.
گؤردوگون اورمان سنین محبتیندن کؤک سالیب.

قوشوق سندن اؤنجه‌نی یازیر،
سندن سونرا قوشوق‌لار نثره دؤنوشور.
یازی‌یا قاییتمانی گؤزله‌ییرم.

نئجه‌لیگیم نئجه‌سیزدیر دوستوم،
ناسیلسین دئییل..!

سنی سون سیقارئتیمده ایچیمه چکدیم،
فیلتئری بوغازیمدا قالیب،
گویورت فابریکاسینا چاتمامیش،
صفا خیاوانی خاطیره‌لر کافه‌سینده اوتورموشام،
قهوه گؤزلرین کافه دادی وئریر.
ایچدیییمیز هاتچاکلئت دادیندا منی خاطیرلا…!
«سن یالقیز یاشاییرکن،
منده یاشاییر توپلوم.»