ساعاتیمین دوروشوندا
تاققیلداییر جوت آیاق ایزلری.
گؤزله‌میرم،
گؤزلمک کور اولدو دویوقلوغوندا.
بیر یولون دوشرگه‌سینده
چوروموش دوشونجه‌یه دونوخدو.
آرتیق گؤزلمک
نه گونشین گولوشونده
نه بولودون یاغیشیندا اتکله‌نیر.
دنیز باغریندا
اؤلو بالیق کیمی‌یم.
گودورم
خاطیرلاماق
گؤیون باغیرتیسیندا
پوسقوسونو دویان بیر قارتال کیمی.
زیروه‌له‌نیرم
داریخیرام
سونرا خیاللاریما جومورام.
اومودلار
دنیزین چالخاشیندا
بیر قایا
بیر اؤلو بالیق
و بیر آج قارتال.