غزل
هریزلی
اوره‌کده یورد سالیب عشقین، آخیر- ازل قالدی
اوره‌ک قوجالدی، بو عشق آمما چوخ گؤزل قالدی
بو سئوگی دردینی سینه‌مده بسله‌دیم گیزلی
بو سیرری هئچ کیمه من آچمادیم، اؤزل قالدی
باجارمادیم کی سنه عشقیمی بیان ائله‌یم
اوره‌کده سؤزلریم ای گول غزل- غزل قالدی
باهار عؤمرومو هئچ بیلمه‌دیم نئجه سولدو
خزان یئتیشدی منه بیر اوووج خزل قالدی
“هریزلی” کینه و نیفرت نه یاخشی زایل اولوب-
بیر، عشقدیر اوره‌ییمده کی لم یزل قالدی.
قیش ۱۳۹۰
4 پاسخ
اوره‌کده یورد سالیب عشقین
…
بو عشق آمما چوخ گؤزل قالدی
…
باجارمادیم کی سنه عشقیمی بیان ائله‌یم
…
بیر، عشقدیر اوره‌ییمده کی لم یزل قالدی.
چوخ گؤزل ایله دویغوسال
…خزان یئتیشدی منه بیر اوووج خزل قالدی
….بیر، عشقدیر اوره‌ییمده کی لم یزل قالدی.
‘گؤزل بیر غزل اوخودوم. ساغ اولون
…خزان یئتیشدی منه بیر اوووج خزل قالدی
….بیر، عشقدیر اوره‌ییمده کی لم یزل قالدی.
گؤزل دیر .
غزل غزل گؤزل دیر