یارانیشدا بویالاری بؤلنده،
قارا و کول رنگی سیزه پای اولدو.
بو اؤلو بویالارین هر قاتیندا،
آخار قیرمیزی، قاتیلاشدی هر گؤز قیرپیمیندا.
سارسیلیرام، بو رنگه، دوداغلارینیزی بوزوب آغلایاندا،
اونو گؤرمکله سارالیب ـ سولاندا.
آخی! مه‌یه‌ر هر زاددان اؤنجه،
قیرمیزینی تانیییب، اونو سئومزدینیزمی؟
نه ایچون ایلک تانیشینیز،
دؤنموشدو سیزی آغلادان، یابانچی بیر بویایا؟
ایندیسه چوخ سئودیینیز بویا،
قورخولو بیر یوخو.
هر نسنه الینیزده قیرمیزیلاشیر،
«یاشیل، ماوی، ساری، …» دئیه،
چیلپاق، شاشقین، آنا یئرین قوجاغیندان باشقا،
سیغیناجاغینیز وارمی؟