بوگون سه شنبه 31 فروردین 1400 ساعات 00:53
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

hebibاوچ شعر
حبیب فرشباف

 (1)سيناق
آچيلدي سوفره‌سي
يوخوسوز گئجه‌لرله،
اضطرابلي گوندوزلر آراسيندا؛
دؤشندي باشدان – باشا:
«الویداع»- دئيه قووزانان آغي‌دان
اؤره‌يه سانجيلان آغري‌يا قده‌ر؛
دوزولدو قوناقلار،
سانجيلدي گؤزلرينه
ائيگين‌ليکده،
«ساغليق» اوچون گلن‌لرين بوش يئرلري؛
آغي دولو پياله‌لر
آگلشن‌لر ساغليغينا بوشالدي…

(2)قوجا
بوروموش چوبوغونون توسدوسو
قارلي وقارلي باشين.
گؤن جيليدلي بيركیتابدان
آراماق اولار ياشين.
من سني اوخوماغا آي عمي!
هانسي سو دييرمانين
لوغت – لوغت اؤيره‌نيم؟
اللريم اسير آغا
سني واراقلاماغا!

(3)مكتوب
بلكه، ائله بئله گئتسه،
ديلين ، ديليم اولاجاق!
من آتامين آتاسينا يازماديغيم مكتوبو،
سن آتانين آتاسينا يازاجاق‌سان!
مكتوبوندا
يازارسان كي:
– راحات ياتين چيچكله نيب آرزولار-

بلكه تاپيب بابامادا اوخودوم من.
عنوانيما فكس ائده‌رسن:
مليك يئري،
قطعه آلتي
نمره اون اوچ،
اون بيرينجي مرتبه.

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *