اینانمادین سن!…
ع.ن.چاپار

مندن سؤز آلدین کی:
–   یازدا گؤروشک …
گئده‌رک،
“سون گؤروش باهاردا ”
– دئدین .
آیلار سووولدوقدا .. یاز چاتدی –  آنجاق،
منی، گؤرنمه‌دین .
به …..
هاردا  ؟!…
دئدین ! .
آختاردی گؤزلرین آرانی – داغی،
آیاق ایزلریمی  شه‌هرده  گزدین .
آرتیق تاپانمادین ..
یازیق –
نه اولسون ،
عؤمرونو چوروتدون ،
اؤزوندن بئزدین !..
من –
اوزاق یئرده یوخ ،
اوجقارلاردا یوخ .
سنینله یاناشی ،
سنله یاشیردیم  ..
منله‌یدین ،
چاشیردین ،
گؤرموردون منی ..
، من
نه یاهالیردیم  –  نه ده چاشیردیم !..
یاز ؛ منیم عطریمی وئریردی –
قوشلار –
منیم سؤزلریمی اؤتوردولر  شن !.
منی، یازدا گؤردون
چیچک ده، گؤردون
نه اولسون …
حاییف  کی ،
اینانمادین سن ! …