ایکی شعر
حبیب فرشباف
(۱): کیشی
– سالام عمی!
بو یئرلرده بیر کیشی گؤرمه‌دین سن؟
– گؤردوم اوغول؛
آت اوسته گلدی کئچدی…
(۲): هاچانسا
آناسی‌نین الینده‌کن ساغ الی،
سول الی‌له- آتام قوی گؤرسون- دئیه،
کارنامه‌سین یاپیشدیردی شوشه‌یه…
آتا گؤرجک ییرمی‌لری
درین خیاله دالیب،
یاشا دولدو گؤزلری:
-گؤرن هاچان،
گؤرن هاردا
ملاقاتا گئده‌جکدیر بالامین بالاسی‌دا.
3 پاسخ
سالاملار سایغیلار
ایکی گون قاباغ بیر امیسان کی حبیب موعلیم اونلارین کندینده اولموش، مندن حبیب موعللیمین سوردو و اونونلا علاقه باغلاماغ اوچون شرایط یارانماسینی مندن خواهیش ائتدی. و او گؤزل اینسان دان چوخ چوخ دادلی دوزلو و شیرین صؤحبت لر ائیله دی. اولدوقجا فخر ائتدیم کی اینسانلارین اوره یینده یئر آچماغ و یئر توتماغ نه قدر گؤزل ایمیش. آشک اولسون خالقیمیزین بئله سی موعللیم لرینه.
باخیشینیز گؤستریر اوره یی گؤزه ل انسانسینیز ، شعرلرینیزده اوره یه هوپان و گؤزه لدیر، اللرینیزه ساغلیق .
بو سؤزده سیزه تقدیم :
شهرلر ساکیت ،
اؤلومده نده یوخسول …
صحرالار چال – چاغیرلی ؛
مجنونون « لام » ، « ی » ییله !….
بسیار عالی