اؤلولر  خورتلایان  زامان
ع.ن.چاپار

آهسته – آهسته ،
قولاقلاریمدا چیرپینیر  نفس.
و گؤزلریمده تؤوشه‌ییر
گوندوزلرین آلاتورانلیغی ایله
گئجه‌لرین قارانقولوغو.
میسمارلانیر اوره‌ییم،
–    کوپباکوپ –
زامانه‌نین کوپونلوغوندان !.
و ، های – هارای  وادیسینده ،
یونشاق – یونشاق باسیلیر بوغاز .
من ،
اؤلوم آیاغیندایام  یقین …
و ، مزاریم  آچیر باغرینی
مئییدیم   اوچون !.
دیریلیر آدیم
مزار داشیندا .
– اؤلولر خورتدایان زامان  – .