من سنین چرچیوه‌سیز خیاللاریندان بیریسی اولدوم،
نه گؤنئی طرفیندن بیر خئیر اولدو ، نه قوزئی‌دن
یاری کؤلگه، یاری گونش؛
اورتاقلیق دوروموندا بیر اوتوزموش دموکرات
نه سن سئودین
نه گونش ساچدی
نه یاغیش ایسلاتدی؛
سن هویوخموش
من هویوخموش؛
ایللر بویو سنه تانیقلیق ائتدیم
نه گؤزوندن ایراق اولدوم
نه سؤزومدن دوشدون.

یوخ، آمما یوخ
اوتوزان سن اولدون
من قایالاردا دورموش دیم- دیک یالچین
نه شپه‌یه باش اَیدیم، نه سیجاغا
نه یئل ایله آیاق اولدوم
نه توپراغا سیغیندیم،
من، من اولدوم اؤزلویومده
من چرچیوه قوردوم
خیالیما، دوشونجه‌مه؛
اؤزومله آیاق اولدوم تام گونشه ساری.