سنین همیشه سؤزلرین کاغاذدا انقلابدادیر
هارای‌ـ هارای دوشونجه‌لر اوزون زامان عذابدا‌دیر
قارانقولوق بساطینی سریب اولوب پاشا بیزه
نه‌دن کی بیز سئون ایشیق سؤنوبدور اعتصابدادیر
قناعت ائیله‌ینلره همیشه سو دنیز اولوب
گؤزون یوماندا وارلیغا قناعتی حبابدادیر
بئله سانیب اوزانما سن خیالینی قاطارـ قاطار
او گؤرسه‌نن گؤزللییه گوونمه بیل سرابدادیر
هؤروبدو سارماشیقلاری بزک‌ـ بزک بویاقلاییر
بو ساختا یاخشیلیقلارین فیریل‌ـ فیریل نقابدادیر
بولود‌ـ بولود ایشیقلیغی حاصاره ساخلایانلارین
همن کی آدلاری بوگون یاشامدا فاضیلابدادیر
یالانلارین اویونچوسو همیشه «شاهید» آختارار
هله آچیق زمانه‌نین دوشونجه‌سی حجابدادیر
کریم احمدیان(شاهید)
چئویرن: کریم احمدیان(شاهید)
ترجمه: کریم احمدیان(شاهید)
سسلندیرن: کریم احمدیان(شاهید)
- شعر
- اوخوماق زامانی: < 1 دقیقه
- https://ishiq.net/?p=34913
چاپ
