بوجاق- بوجاق گزنده من سوراغینی دنیز- دنیز
قابار- قابار آیاقلاریم ناخیش سالیبدی ایز به ایز
اونوتموشام دا هر سؤزو ساغیم سولوم اولوبدو سن
بهانه‌سیز آخیردی یاش یازیق گؤزوم یازیق دا من
قاطار- قاطار کئچیبدی یاش قوچاق- قوچاق قوجالمیشام
آداخلی اولدوم ایللره سئویب سنی اوجالمیشام
اولوب زامان دا هئی رقیب، من‌ایله اولدو هم آیاق
ساراتدی گون به گون منی بیچیر یغییر اوراق- اوراق
یولوم اوزون، اوزاق گؤزون، سوروندو یوللارا گؤزوم
دییشمه‌دی بو روزگار، اوتوزدو سن دئین دؤزوم
آی‌ایلا من بولوشموشم سوکوت اولوبدو عاییدیم
دوراق- دوراق دا آغلاماق یولاقلار اولدو «شاهید»یم
گئجه اولوبدو سیرداشیم، گونوزله کوسموشم هله
دان اولدوزو اویانمامیش باغیردی سالدی ولوله
دولاندیغین دلی صنم توزاق قوروبدو ایز به ایز
سوراغینی گیله‌م دولان اوزونده گز دنیز- دنیز
کریم احمدیان(شاهید)
چئویرن: کریم احمدیان(شاهید)
ترجمه: کریم احمدیان(شاهید)
سسلندیرن: کریم احمدیان(شاهید)
- شعر
- اوخوماق زامانی: < 1 دقیقه
- https://ishiq.net/?p=33932
چاپ
