منیم پاییزلی حالیمسان داریخ باهارلیغیما
حزین- حزین اوخویورسام اینانما تارلیغیما
آمان تیکانلی سؤزومدن اوزولمه‌سین اوره‌یین
چیچک- چیچک قاداسی سن آسیل دووارلیغیما
سنی غزللره من مصرع- مصرع تامسینارام
کیتاب-کیتاب سنی سؤزلر سالیر حاصارلیغیما
آووج-آووج سنی هر گون سولاردا آختاریرام
بولود- بولود دا یاغیرسان منیم مزارلیغیما
آیاغلانیب خیالیم بیل کوسوبدور آرزولاریم
ییخیلمارام چینارام من باخین ووقارلیغیما
قوشولموشام کؤچری دورنانین حزین سسینه
شهر- شهر اویانیش گؤز یوموبدو جارلیغیما
یک پاسخ
یاشا و ساق اول . سنین سوزلرین اورکلر سوزودو