گؤزوند‌ن یولوما چیله‌نن ‌نور مو،
یوخسا شیرینلیک می سپه‌له‌نیر او؟
اله‌نیر، اله‌نیر، اله‌نیر آنجاق
کؤنلومه، قلبیمه، سئوگی دویغوسو!
یوخسا شیرینلیک می سپه‌له‌نیر او؟

سئوگی‌نین حددی ‌نه؟ کیانی ‌نه‌دیر؟
ائنده ده، بوی‌دا دا او حیاتجادیر!
سئوگی آنلاشیلان دوشونجه‌دیرکی
ازل‌دن ابده کائناتجادیر !
ائنده ده، بوی‌دا دا او حیاتجادیر!

بو گون اللریمد‌ن یاپیشان سنسن،
یوخسا او کؤنلومون محبتی‌می؟!
منه گؤستردییین بو سئوگی، قایغی
یوخسا بیر سئودالیق اونسییتی‌می؟!
یوخسا او کؤنلومون محبتی‌می؟!

یوخ اولما گؤزومد‌ن، یوخ اولما، گئتمه!
آخی، گلدیییند‌ن اوشاقلاشمیشام.
اومیدیم سؤنوردو، کؤزه‌له‌ییردی،
سنی گؤره‌ن کیمی اوجاقلاشمیشام
آخی، گلدیییند‌ن اوشاقلاشمیشام.

گلدییین یولوندان گئری چکیلمه
آی ساریشین گؤزه‌ل، آی اومید گؤزوم!
سنی تاپدیغیمدان سئوینیرم من،
من سنم سانیرام، سن ده من اؤزوم
آی ساریشین گؤزه‌ل، آی اومید گؤزوم!