چئویرن: حیدر آرازلی
ترجمه: حیدر آرازلی
حیدر آرازلی

دئییرلر تاریخی حاکیم‌لر یازیب
زامان دؤنه‌مینده بیزدن خبرسیز.
حققین، عدالتین کؤکونو قازیب
آغیندان خبرسیز، بوزدان خبرسیز

جهالت اودویلا آلوولانیب‌لار
حققی تاپدالاییب، حققی دانیب‌لار
قادین وارلیغینی ضعیف سانیب‌لار
نیشاندان خبرسیز، ایزدن خبرسیز.

قادین دئدیییمیز مقدس آنا
زمانه جووروندن گلیبدی جانا
اوگئی یاناشیلیب بئله اینسانا
چؤره‌کدن خبرسیز، دوزدان خبرسیز.

ظولمت آلووونا یاغان قادین‌لار
گونش تک ظولمتی بوغان قادین‌لار
یوردومدا سعادت دوغان قادین‌لار
آلیشیب، یانیب‌لار کؤزدن خبرسیز!

اونلار یاز گتیریر پاییزا – قیشا
ایندی دونیا اهلی دوروب آلقیشا
قادین‌لا دؤزوروک قارا – یاغیشا
باهاردان خبرسیز، یازدان خبرسیز.

چتین آنیمیزدا اؤرنک‌دیر بیزه
او قدرت بخش ائدیر اوره‌ییمیزه
قئیرتی، هیمتی گلمه‌سین گؤزه-
«آرازلی»! بدنظر گؤزدن خبرسیز.
۱۰ آبان ۱۴۰۱

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قادین‌لار

حیدر آرازلی
www.ishiq.net

آذربایجان ادبیات و اینجه‌صنعت سایتی

قادین‌لار

حیدر آرازلی
www.ishiq.net

آذربایجان ادبیات و اینجه‌صنعت سایتی

قادین‌لار

حیدر آرازلی
www.ishiq.net

آذربایجان ادبیات و اینجه‌صنعت سایتی