گؤز یاشلاریم فلامینگو
اورمو یارام تبریز آخیر.
لیمانیمدا اَجل گزیر
اؤلمه‌ییمه دونیا باخیر.
جنازه‌مه داش آتیرلار
فاتحه‌مه قوم قاتیرلار
قبریم اوسته دوز ساتیرلار
گؤیسوم اولور قانلی پاخیر.
باغریم قارا قوشلار یازیق
آی سورگون یاغیشلار یازیق
یاز اومودسوز، قیشلار یازیق
دنیزیم، آراز داریخیر.
آرال کیمی گمیسیزم
قومساغی قایساق بیر ایزم
توفان شپه‌لی دیبسیزم
درد ایچیرم چاخیر- چاخیر.
۱۴۰۱/۴/۲۳
یک پاسخ
وار اول شاعیر . اورمو گولونون مرثیه سی سون درجه ده کدرلی ، عین حالدا رئال تصویر اولوب .