چؤرک آغلاردی بیزیم إئوده یاوان سوفرامیزا
اوتاغیمدان اوزانیر دار خیاوان، سوفرامیزا
آدی وای قانلیدی بو اؤلکهده هر قهرمانین
کؤکو یوخ اجنَبیدی دوز جالادان سوفرامیزا
دولماسی ایت لئشیدی، قابلاماسی آت جییاری
قاتی شاهمار، یاتاغی کال ساراتان سوفرامیزا
اوخویور قیزلاری جئیحون باخیشیندا آناسین
یخیلیر آه… آتام آدلی ساوالان سوفرامیزا
بیری وار تویدا دوشور جیبلرینین اووسونونا
نئچهسی یاسلی گلیر افعی ایلان سوفرامیزا
ایکیسی یانغی عطش یاهولاری لیل سو ایچیر
…و اوچو، دؤرودو شهیددیر تالانان سوفرامیزا
بو بئشی، آلتیسی یوز مین یاراما تبریز آچیر
یئددیسی، سگگیزی دردیمدی بو جان سوفرامیزا
یابان* اَللرده قالیب ائلده جینازهم مئشهسی
قان اکیر شئحلی قاسیرغا بو «توفان» سوفرامیزا .
۱۴۰۰/۴/۳۱ – قلندر کندی
ایضاح:
*یابان: بیگانه، یاد، اؤزگه
