اولمویا آللاهین قالان آرزیسی
یئنیدن گول آچیب بیز انسانلاری!
اولمویا تانری‌دان آیریلان دیلک
یاشادیر حسرتده هیجانلاری!
اولمویا اووجومدا چَکیلن اولدوز
منیم طالعیمین بئی باخیشی‌دیر!
جهنم سالدیجیم جنّت سولدوجوم،
دونیا دوشونجه‌مین یاراشیغی‌دیر!
بیلمیرم آنجاق کی یالنیز بیر دوروم
ایندی منی آلیب ایت بوینوزونا.
گؤدورم آللاهین حسرتی گله
بوردا آذان سَپه دان خوروزونا.
آییل آی منده‌کی توفانلی دویغو،
بوتون کائناتین آرزیسین یالا!
شعریمین شاعرین قورتار حسرتدن،
تانرینی گؤیلردن یئرلره جالا!
۱۴۰۳/۴/۹ تبریز
