گئجه قوینوندا منی سورمه‌لی گوندوز سورویور
«احواز» آغلار گؤزونن دردیمی، «تبریز» سورویور
«پنجشیر» بایراغی‌یام «کابول»و داغ-داشلاییرام
«هرات» اوسته اؤلورم نعشیمی «قوندوز» سورویور
اؤز ائویمده تروریست بومبا سالیر آستاناما
باشی یوخ بیر جَسَدم، آهیمی «سولدوز» سورویور
گونئی ایستکلریمی قار، یاغیش آلتدا داریخیر
آی باتان چاغلاریمی گؤیده‌کی اولدوز سورویور
بیر، ایکی اوچ‌دو منه، دؤرد بئشیمی قَمچی وورور
آلتیمی، یئددیمی اون سگگیزی دوققوز سورویور
کولتوروم سیلکه‌لَنیر سیمگه‌لرین چیینینده
تاریخیم تورمه‌لَنیر چیلله‌می چنگیز سورویور
جینیم اینسان آدینا شعریمی شاهیددی یازیر
شعوروم شیتدالانیر شوبهه‌می رامیز سورویور
یئنه «توفان»دی توتور تورنادومو چؤللرده
بولود آغلار اویانیر دهشتیمی دوز* سورویور
۱۴۰۰/۶/۱۷ تبریز
*: düz
