نه شیرین
نه موبا‌رک!
اودوملو آیاقلاریندا باش ایمک.
گلیملی گئدیملی دونیانین
قالاسی بالاسی‌سان آنام.
بئیره‌کین بوش گرده‌یی‌نین
قازانین یایی‌نین
بابکین قیلینجی‌نین
شیخ ممدین سیندیریلمیش دیش‌لری‌نین ور‌ثه‌سی.
نه گؤزه‌ل
نه شیرین
سنین
اسدیردییین بایراقدا اسمک.
بوغدای قوخولو آلنیندا
توت آغاجلاریندان
قوپوز سسی گلر
و هر اوجقار بؤلگنده اینسان نفه‌سی.
نه موتلو
نه خوش
قوربت یورغونلوغویلا قاپینا گلمک
و زحمت اینسان‌لاری‌نین آیاقلاریندا یاتان
دولو دؤشلریندن ماجال درمک.
