(۱)
دونیا بیر آت‌دیر یویه‌نی بوش،
ال‌لر اوسته کئچیر عؤمرو.
یه‌هرینده ایله‌شن‌لر
آدلی- سانلی
دیرناغیندا ازیلن‌لر آدسیز- سانسیز
و آردینجا دیزین- دیزین سورونن‌لر.
کوره‌ییمده دیرناغی‌نین یارالاری
یه‌هرینده ایلشمه‌دیم بیر آنلیقچون
و آردینجا سورونمه‌دیم بیر قاریش دا
فقط
فقط
دیرناغیندا قانا باتدی دیلک‌لریم
دیرناغیندا.
(۲)
نه تورپاغا وئردیم، کی گله‌جک‌دیر
اومود و سئوگی‌نین دورو یاشیللیغی‌دیر
نه سویا وئردیم، کی آیدینلیق‌دیر…
کوله‌یه
سس‌سیز کوله‌یه وئردیم سیرغالی رؤیالاریمی.
