اوره‌ک‌له باش آراسیندا 
چئویرن: حیدر آرازلی
ترجمه: حیدر آرازلی
حیدر آرازلی
00:00
00:00

بیلمیرم هایانا هارایا گئدیم
قالمیشام اوره‌ک‌له باش آراسیندا!
بو یول آیرجیندا آخی نه ائدیم؟
اویموشام گؤز ایله قاش آراسیندا.

باش دئییر قورخولو یوللارا وارما
یولونو سئچنده اوره‌کدن سورما
عبث تلاشلارلا اؤزونو یورما
دایانما دیوارلا داش آراسیندا!

اوره‌ک حؤکم ائله‌ییر آیاغا، یئری!
یولدا یورولساندا قاییتما گئری
حرکت ائتمه‌سن اولمازسان دیری
دونوخما قورویلا یاش آراسیندا!

اوره‌ک مرد اولسادا، باشیم قورخولو
اؤزوم سئچمه‌لی‌یم گئتدیگیم یولو؛
بیر یاندا بوش دوروب، بیر یاندا دولو
حئیرانام دولویلا بوش آراسیندا!

ایچیمدن سس گلیر «آرازلی» اویان
قورخولو یوللاردا سن مؤحکم دایان
حیات یوللاریندا اوره‌یه اینان
دایانما اوره‌ک‌له باش آراسیندا!
آذر ۱۴۰۰

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد.

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

آنا

اوره‌ک‌له باش آراسیندا 

حیدر آرازلی
www.ishiq.net

آذربایجان ادبیات و اینجه‌صنعت سایتی

اوره‌ک‌له باش آراسیندا 

حیدر آرازلی
www.ishiq.net

آذربایجان ادبیات و اینجه‌صنعت سایتی