چئویرن: حیدر آرازلی
ترجمه: حیدر آرازلی
حیدر آرازلی
00:00
00:00

دوندوروب زامانی دایاندیراردیم
الیمده علاجیم اولسایدی آنا!
ایل‌لری، آی‌لاری یوباندیراردیم
الیمده علاجیم اولسایدی آنا!

اگر ائله‌سئیدیم الده ایمکانی
گئری قایتاراردیم اؤتن زامانی
اولاردیم تیتره‌ین ال‌لر درمانی
الیمده علاجیم اولسایدی آنا!

آیریلیق قوجالدیب نه یامان سنی
یامان آغیرلادیب آغری، سینه‌نی
وئرمزدیم الیمدن سنی، وطنی
الیمده علاجیم اولسایدی آنا!

قویمازدیم گزه‌سن آیریلیق چؤلون
قیراردیم هیجرانین قانادین، قولون
پوزاردیم حیاتدان حسرتین یولون
الیمده علاجیم اولسایدی آنا!

بیر آن دا وئرمزدیم زامانی یولا
قویمازدیم کؤنلونو دومان‌لار آلا،
سنینله گزردیم یئنه قول- قولا
الیمده علاجیم اولسایدی آنا!

آنا! یاراشیقسان گؤزه‌ل وطنه
عؤمرونو، گونونو سن وئردین منه
بوتون وارلیغیمی وئرردیم سنه
الیمده علاجیم اولسایدی آنا!

چاپ

دیدگاهتان را بنویسید

نشانی ایمیل شما منتشر نخواهد شد.

آنا

حیدر آرازلی
www.ishiq.net

آذربایجان ادبیات و اینجه‌صنعت سایتی

آنا

حیدر آرازلی
www.ishiq.net

آذربایجان ادبیات و اینجه‌صنعت سایتی

آنا

حیدر آرازلی
www.ishiq.net

آذربایجان ادبیات و اینجه‌صنعت سایتی