بو تورپاغا
بیرکره ده دؤنسن اگر
قورتولوشو گتیر بیزه،
سئوینج پایلا قلبیمیزه!
آزاد داوران
آزادجا دؤن
آزاد گؤرون!

بو تورپاغا
بیرکره ده دؤنسن اگر
باجارسانسا،
دونیا دولو اوچار قوش‌لار قانادینی
-تحفه – دئیه
پایلا بوتون ماویلییه!
سؤیله
او دور
قارا دوشموش او بوجاغا،
آپاریرام او تورپاغا.

بو تورپاغین
قارا یانغین دوداقلاری سوسوز، چاتلاق؛
سودان آرتیق
یئلک – یئلک قانادلارا حسرت قالمیش،
بو تورپاغا چوخدان بری
بولوت دئییل،
نمنمنه کؤلگه سالمیش!!

بو تورپاغا
بیرکره ده دؤنسن اگر
قورتولوشو گتیر بیزه،
سئوینج پایلا قلبیمیزه!
بلکه بیرده
دریالارا اوچا آنجاق سوسوز تورپاق،
چاتلاق دوداق!

۱۷ آذر ۱۴۰۰