چئویرن: محمد احمدی‌زاده
ترجمه: محمد احمدی‌زاده
محمد احمدی‌زاده

الئکتریک دیره‌یی‌نین باشیندا یوواسیندان باخیر
آشاغیدا گئده‌ن سوروده‌کی جامیشلارین ساییسینا
دوشونور یالقیز حاجی لئی‌لک جامیشاواندا:
گؤره‌سن داها نئچه گون قالدی
بیر سونراکی قیطلیغا؟!

حؤکمآواردا تالانیب
بیربیرلریندن آیری دوشموش کالاکلار،
دریلیب عشقین تازا قیرالاری،
قورویوب بوستانلار
محبتین اؤلو تورپاقلاریندا.

میللی کیتابخانادان قاچیب
بیرلیکده چای ایچن کیتابلار سورقولانیرلار
باغ قاباغی‌نین مونکرات شعبه‌سینده؛
بالاجا قارابالیق منصور خانلودان سوروشور
کیتاب مزارلیغی‌نین آدرئسینی.

گولوستان باغیندا قیرمیزی بالیق
گؤلده بوغولان خومار باخیشلارا باخیر آغلاییر،
سازینی باسیب باغرینا اوخویور:
«دگنه‌یینی باغلا گل ای سئودامین زینب پاشاسی
سیندیرکؤنلومون قیفیلینی
آچ انبارین قاپیسینی
داغیت آجلارین آراسیندا
سئوگی‌نین خیردا چؤرکلرینی»

کوسولو اوره‌کلرین
سویوق کرپیجلریندن تیکیلیر
یئنی بیر مقبره‌الشعرا
سینیق سازلارین عاشیق هاوالارینا
بایرامدان سونرا اؤلن عاشق بالیقلارا.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

جامیشاوان

محمد احمدی‌زاده
www.ishiq.net

آذربایجان ادبیات و اینجه‌صنعت سایتی

جامیشاوان

محمد احمدی‌زاده
www.ishiq.net

آذربایجان ادبیات و اینجه‌صنعت سایتی

جامیشاوان

محمد احمدی‌زاده
www.ishiq.net

آذربایجان ادبیات و اینجه‌صنعت سایتی