ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری


مئنیو
سعیدفیوضات

هر سحر یوخودان اویانماق یوخ

 داشلانیرام بو یانغین حیاتا

و گؤزلریمده ،اویانماغا پئشمان اولدوغومو گؤرنده

سولاییب و سیلیرم بوتون رؤیالاریمین ایزین

گؤزلریمین ایچیندن بئله

گونلوک حیاتیمین مئنیوسوندا

ایستکلرین بوش یئرینه باخا باخا

آجی بیر چایین دادیندان واریرام حیاتا

نه شیرین دیر بو حیات سؤزونو ازبرله یه- ازبرله یه

و منیمله دوشمانلاشمیش حادیثه لرین ناغیلین دینله یه- دینله یه

آخشاما قدر بو حیاتی اوزون بیر گیزلینین پاچ اویونو کیمی سوردویومده

 ساخلاندیغیم یئردن چیخیب

داها بسدیر بو اویون سؤزونو سویله مکدیر سون شعریم

 دوغرو سؤزلرین دار آغاجینا بارینماغینداندیر

بیر یالان اولماق ایسته دی ییم

شن ماهنیلاری بیر اوخشامایا چئویریر بو دیلمانجا دؤنموش اوره ییم

دوشونجه لریمی بارماقلیغا دؤنمه سین دئیه پوستالادیم آدرس سیز بیر ائوه

حیاتیمین گئییندیردیگی پالتار

آغلاییر اَینیمده

کشکه حیاتیمی دوردورا بیله یدیم

باشقا نوقطادان باشلاسین دئیه

8/5/91

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *